2013ko Urtarrila
Egitarauaren zehaztazunak:
10:00-13:30 / Goizeko Tailerrak: BasHerri Taldeak sendotzen.
Nori zuzendua: Gehienbat Gipuzkoan martxan dauden BasHerri talde eta kooperatibetan parte hartzen duzuen herritar eta baserritarrentzat. BasHerri talde bat sortzeko interesa duen edozein nekazari, herritar edo eragilerentzat ere egokia izango da.
Helburua: Tailer dinamika baten bitartez, taldeka, BasHerri taldeetan aurkitzen ditugun arazoak eta ahultasunak identifikatu eta hauei erantzuteko proposamenak bilatzen eta konpartitzen saiatuko gara.
13:30 / Bazkaria: Topaketen aretoan bertan egingo dugu.
Menu ekologikoa: "Risotto"a barazkiekin, oliaskoa saltsan eta postrea (jogurta, gazta...). Edariak: ura, infusioak, sagardoa eta ardoa.
Izena emateko: basherriak@gmail.com (urtarrillak 18, azken eguna)
15:30-16:30 / Proiektu gonbidatuen aurkezpenak:
Nori zuzenduak: Agroekologiaren eta Elikadura Burujabetzaren inguruan interesa duen edozeinentzat
EH Kolektiboa: EH-Kolektiboak guk, Euskal Herriko baserritar eta herritarrek, Agroekologia nola ulertzen dugun definitzen laguntzeko garatzen ari diren proiektua aurkeztuko digute.
Euskal Herriko Hazien Sarea: Gipuzkoan galtzear dauden haziak eta hauei loturiko ezagutzak berreskuratzeko azken saiakera izango den prospekzio proiektua aurkeztuko digute.
16:30-18:00 / Arratsaldeko Tailerrak: BasHerri Sarea sendotzen.
Nori zuzendua: Gehienbat Gipuzkoan martxan dauden BasHerri talde eta kooperatibetan parte hartzen duzuen herritar eta baserritarrentzat.
Helburua: Gipuzkoako taldeen artean bailaraka sortzen ari garen BasHerri Azpisareak eta hauen arteko BasHerri-Sarea sendotzea. Azkenengo BasHerri topaketetan BasHerri Sarearen Helburuak zehaztu genituen. Orain, helburu horiek betetzeko proposamenak eta hauek aurrera aterako dituen lantaldeak zehaztu nahi ditugu. Horretarako, Tailer dinamika ireki bat erabiliko dugu eta, taldeka, edozeinek proposatutako gaiak eta proposamenak landuko dira.