HITZALDIA: Usurpatzaileak, Susan George

Nork argitaratua: Basherriko Administratzailea 8 urte, 5 hilabete atzera

Asteartea, 2015(e)ko azaroak 24 | 19:00 | San Telmo Museoa

Susan Georgek enpresa transnazionalez hitz egingo digu eta xeheki azalduko digu zertan datzan Estatu Batuak eta Europar Batasuna negoziatzen ari diren merkataritza askearen eta inbertsioen itun transatlantikoa (TTIP edo TAFTA). Horixe da, hain zuzen, haren azken liburuaren gai nagusietako bat.

l_stm-susan-george_ediima20150318_0726_13-1

Susan George: Zientzia Politikoetako doktorea, Filosofiako eta Frantses Hizkuntzako lizentziaduna, gizarte justiziaren aldeko ekintzailea eta Hirugarren Munduari ezarritako azpigarapenari buruzko idazle emankorra. Nazioarteko Diru Funtsaren, Munduko Bankuaren eta superpotentzien politiken aurkako militante nekaezina. Amsterdameko Transnazionalen Institutuko lehendakaria eta Frantziako ATTAC erakundeko ohorezko lehendakaria da.

Enpresa baten edo sektore industrialaren zerbitzura aritzen diren lobistak; enpresa trasnazionaletako exekutiboak, hauen negozio zifrak jarduten duten herrialdeetako BPGaren batura baino handiagoak dira; ia estatu mailako instantziak, non beren harremanak muga nazionalez haratago zabaltzen dituzten: hauexek dira usurpatzaileak; inbertsioak eginez eta ate birakarietatik igaroz munduko negozioetan sartzen direnak, Nazio Batuetan infiltratzen direnak, eta, Davosen zuzendaritzapean, haren irudira egindako mundu bat sortzeko lan egiten duten.

Hauek erabakitzen dute zein izango den merkataritza itun estrategikoen edukia, gaur egun TTIParekin gertatzen ari den bezala; negoziatu ere, sekreturik handienean negoziatzen dute, sektore pribatuko ordezkarien begirada zoliaren pean.

OHARRA: hitzaldia ingelesez burutuko da, baina euskarazko eta gaztelerazko aldibereko itzulpena izango da.

Antolatzailea: Donostiako Udala, Lankidetza Bulegoa.

Laguntzailea: San Telmo Museoa.

Iruzkinak

Oraingoz ez dauka iruzkinik

Iruzkin berria

Azken postak

Artxibategia

Cookie-en erabilera oharra

Basherri sareko webgunea

Webguneko gaiaren kolorea