• Blog
• EKIMENAK: Amalurra Azoka Sakanan

EKIMENAK: Amalurra Azoka Sakanan

Nork argitaratua: Basherriko Administratzailea 11 urte, 12 hilabete atzera

(0 iruzkin)

Amalurra azoka:

Ekimen honetan, Sakanan  bizi eta lanean gauden abeltzain zein nekazari ekoizleak aurkitzen gara. Ekoizpen eredu familiar eta artisauetan oinarritzen diren ustiategiak  hain zuzen ere.

Gure egunerokoan, ekoizpen eta elaborazio eredu jasangarrien alde egin eta gizartearentzako, kalitatean  oinarritutako produktuak eskainzen ditugu. Neurri berean gure aiton amonengandik jasotako irakaspenei  jarraituz, landa eremuaren kudeaketan parte hartu eta gure kultura eta izaera defendatzen ditugu, ZUZENEAN LURRETIK GURE ETXEKO PLATERETARA BALIO GUZTI HAUEK ERAMANEZ

-          Zergatik?

Tamalgarria bada ere, gure gizartean modu bortitz eta sakonean,  beste eredu bat inposatzen ari zaigu. Eredu jasangaitz eta intentsiboan oinarritutako abeltaintza eta nekazaritza basati eta espekulatiboa hain zuzen ere.  Eredu industrialetan oinarritutako elaboraziotik datozen elikagaiak gure etxeetan sartzen dira. Gainera, bertako  landare espezie zein animali arrazen galera dakar eta honekin batera hauekin egin izan den kudeaketa desagertu, atzerriko arraza eta kudeaketa ereduak gailenduz.

Eredu honek, abeltzain zein nekazari eta gizartearen arteko harremana urruntzeak ekarri du gure merkatu eredua espekulatzaileen esku utziz,  elikadura kultura aldatuz, gizarte osoa gure landa eremuen beharretatik urrunduz….

Bi eredu ezberdin hauen arteko talkan, gero eta zailagoa zaigu bertako eredu jasangarri eta iraunkorra mantentzea. Hala ere, talka honetan ez gaude nekazari eta abeltzainak soilik implikatuak, gizarte, instituzioak, erakunde…  guztiak baizik.

Sakana ez dago egoera honetatik salbu! argi gorriak pizteko unea iritsi delako, eta egoera defentsibo batetik ofentsibara pasa beharra dagoelako gure arteko elkarlana eta konplizitatea beharrezkoa da.

-          ZERTARAKO?

Egoerari era antolatuan eta elkartasunaren balioetan oinarrituta erantzuteko.

Nekazaritza zein abeltzaintza eredu jasangarri, iraunkor, duin eta justuago bat defendatzeko

Nekazari zein abeltzain eta gizartearen arteko harremana gerturatzeko

Merkataritza kanal motzak sortzeko

Merkataritza gardena bultzatzeko

Natura eta kulturarekin bat datorren abeltzaintza eta nekazaritza berreskuratzeko

Sakanan gure biziraupena bermatzeko.

 

Twitter-en partekatu Facebook-en partekatu

• ← TXINGURRI HOTSAK: I. Agroekologia jardunaldiak
• ARTIKULUA: I.Agoekologia jardunaldiak Hitzan →